Contoh Pantun Muda-Mudi, Kasih Sayang dan Lawak Berbahasa Minangkabau
Blog Minangkabau – Anda sedang mencari Contoh Pantun Muda-Mudi Dalam Bahasa Minangkabau? Nah blog Minangkabau ini adalah blog yang tepat untuk dikunjungi. Karena blog Minangkabau menyajikan informasi tentang Minangkabau Saisuak, Sekarang maupun yang akan datang.Kali ini blog minangkabau akan memberikan Contoh Pantun Muda-Mudi, Kasih Sayang dan Lawak Berbahasa Minangkabau. Pantun ini diramu khusus untuk sanak yang sedang mencari pantun berbahasa Minang. Terutama yang berkaitan dengan Contoh Pantun Muda-Mudi, Kasih Sayang dan Lawak Berbahasa Minangkabau. Semua pantun dikutip dari kehidupan sehari-hari dan dari beberapa percakapan serta cimeeh yang biasa digunakan.
Mari langsung saja disimak dan dibaca sampai selesai Contoh Pantun Muda-Mudi, Kasih Sayang dan Lawak Berbahasa Minangkabau berikut. Selamat membaca dan menikmati pantunnya.
Den cubo-cubo batanam mumbang
Kok untuang jadi kalapo
Den cubo-cubo batanam sayang
Kok untuang manjadi cinto
Tahampeh biduak ka pantai
Ombak gadang mambuek karam
Cinto adiak ka bakeh denai
Raso gulai indak bagaram
Batabek ikan di tangah sawah
tabek di isi jo ikan nila
kasiah sayang sadang tacurah
Adiak bakato salamaik tingga
Indak di sangko sirigo rigo
Pipik sinanduang mamakan kain
Indak disangko kacando iko
Kawan sairiang nan mandahului
Ense garende pasak pintu
Nak kunci bakuro-kuro
Lah den cubo jalan jo pajak tu
Nan jando lamo takana juo
Jikoknyo jalan alah basimpang
Indaklah mungkin sairiang lai
Bialah kini den hiduik surang
Pado baduo maracun hati
Tong kosong nyariang bunyinyo
Di latak urang di tapi banda
Lah padiah paruik rasonyo
Dek mancari samba bada
pulang kakampung naik bemo
babaliak kasiko jalan kaki
dima lo hati indak kataibo
indak namuah dapek nan dihati
Dek indak mangko co iko
Kok Lai manga mangecek
Lidah tahimpik dek nan kayo
Salah balungguak ken an bansek
Dek indak mangko co iko
Kok lai tantu balain
Panek batenggang kiro kiro
Basangketo lahie jo batin
Dek indak mangko co iko
Kok lai antah lah antah
Tiok ditanam tiok ampo
Sio sio badan basawah
Dek indak mangko co iko
Kok lai indak den cameh
Dek urang indak bahinggo
Di awak banyak ambek jo bateh
Dek indak mangko co iko
Kok lai indak den takuik
Dek urang langkah samparono
Dek awak banyak nan tasangkuik
Dek indak mangko co iko
Kok lai indak den amuah
Urang karajo jo harato
Dek awak hanyo jo hati sungguah
Dek indak mangko co iko
Kok lai mungkin den lawan
Dek awak hanyo tanago
Dek urang amehnyo panggak an
Dek indak mangko co iko
Dicubo duduak bamanuang
Nan bansaik tingga mauruik dado
Nan kayo kecek manyingguang
Dek indak mangko co iko
Ikolah jadi kanyataan
Dima sajo acok tasuo
Dalam satiok pargaulan
Dek indak mangko co iko
Nyampang ma ota di nan rami
Nan bansaik tingga mangango
Nan kayo kecek ba rapi api
Dek indak mangko co iko
Sulik mancari kato nan bana
Paham di ukua jo harato
Walau pun budi lah tajua
Dek indak mangko co iko
Kok lai mungkin bapaliang
Dek urang bungkuak luruih juo
Dek awak lah bulek tampak basandiang
Dek indak mangko co iko
Kok lai ndak den biakan
Urang babuek sakahandaknyo
Awak lah jadi batu tapakan
Tanamlah bungo di tapi halaman
Lalu urang di ambiak jangan
Denai manunggu alah mandamam
Adiak nan indak kelihatan
Karambia satandan labek
Di tanak dalam kuali
Sajak pagi badan manggaretek
Dek dari tadi alun basuo nasi
Rami lah urang di balimbiang
Rami nan sdang hari sanjo
Dulu bajanji jalan sa iriang
Kini bapadia uda marando
Sabana canggih nak gadih minang
Pusek kalua rambuiknyo pirang
Sarawa sampik baju manarawang
Turun naiak jakun nak bujang mamandang
Disabuik rami piaman
raminyo dihoyang tabuik
disanggko lai pareman
eeeehhh,, kironyo bencong bajangguik
Alah bacubo bamain cinto
Cinto di jalin iyo lah lamo
Sairiang sajalan kami baduo
Kini nyo kawin jo urang pulo
Den sangko gariang ikan nyo jinak
Buayo gadang malah kironyo
Muluik manih muko rancak
Tapi adiak mato duitan pulo
Si tuan aru makan gulo
gulo di bali agak sakilo
tahun baru ka tibo pulo
sedangkan awak masih jomblo
dek sero makan jo cancang
ndak sadar rumah kanai maliang
mangalah duduak di ateh pancang
beko sarupo jo ayam guliang
Sisiti makan cimangko
nyo makan di baliak oto
sadiah bana nasib thun baru ko
mancaliak isi dompet manitiak aia mato
Nah itulah Contoh Pantun Muda-Mudi, Kasih Sayang dan Lawak Berbahasa Minangkabau, perlu diketahui pantun di atas bukanlah oantun bersambung. Dan pantun di atas diambil dari percakapan sehari-hari. Semoga Contoh Pantun Muda-Mudi, Kasih Sayang dan Lawak Berbahasa Minangkabau ini bermanfaat.
