Ciri-ciri Orang Minangkabau Yang Berbudi - Pituah Minang
Minangkabau adalah etnis atau suku yang sangat menjunjung tinggi adat dan istiadat termasuk prilaku dan kelakuan. Banyak hal yang diatur secara mendalam di Minangkabau. Termasuk di dalamnya tanda orang yang berbudi.Berbudi di sini maksudnya adalah orang yang memiliki prilaku baik, sopan dan santun yang tinggi dalam hubungan bermasyarakat. Nah di sinilah akan blogminangkabau.com bahas sscara santai ciri-ciri orang Minangkabau yang berbudi. Cirinya diuraikan dalam bahasa adat seperti di bawah ini.
1. MANGECEK BAHIKIMAH Arati nyo bapikia apo nan patuik kadikatoan tapi pantang mangatoan, kecek lamak indak manggisai, kato boneh mamaliharo, kok bana indak tabandiang, kok kareh indak talosolang. jadi panawa dek rang banyak..
2. Ba Kato Indak Sombong Arati nyo kok roda sadang diateh, kok tampuak sadang bagatah, sombong takabua bajauahan, sabab inyo sadar jo Sunnatullah, bumi baputa jo sumbunyo, alam baputa jo iradat. kini basah, bisuak kok kariang, nan di ateh musti kabawah, di sinan rimah bapiliah juo...
3. MANOLONG INDAK RIYA Arati nyo suko baragiah basidakah, panyantun kurang indak, paibo bakeh sibansaik. kamambari karano ALLAH, bukan maharok pambalasan apolai pujian dapek sanjuang. konon mambangkik jo maamun..
4. BABANTAH INDAK BADANDAM Arati nyo kok tumbuah basilang kato, salisiah paham dalam rapek, batuka paham samo gadang inyo bamuko manih juo. Rundiang babateh bainggoan, dapek dirimbo ilang disamak nan batin pantang kabaranggang..
5. NYAMPANG SUSAH INDAK TAGAMANG Arati nyo nyampang cobaan nan manimpo, awak bansaik panyakik ampia, dunsanak jadi rang lain nan sayang lah jajok pulo, nan inyo baiman taguah juo. Pantangnyo maupek upek manyasa manyada untuan, atau iduik manyisiah nyisiah randah diri jo samo gadang, raso minder kato rang kini.
6. DISAPO INDAK PANYINGGUANG Arati nyo kok ado nan banasehat, datang kritik dari kawan tibo bandiangan dari kawan jo urang sayang disangkok jajok, bukan kok talongsong inyo suruik, kok tadorong inyo kumbali. Rila jo maaf dipuhunkan..
7. BAGAUA INDAK PAMBINGIK Arati nyo mancaliak kawan nan sadang jatuah asok,kawan nan sadang tagak tali,haram kok inyo raso bingik.syukur taloncek dimuluiknyo.mambayang suko diparoman gilo mamuji jo manyanjuang.babagi raso caro haluihnyo...
8. NAK LURUIH RANTANGI TALI Aratinyo bajalan di alua adaik, bakato diateh undang, kalau mamaek ditantang barih,mangabuang tibo di ukua, dialua rasuak manjariau dikasau lakekan atok latakan sasuatu ditampeknyo, dinan wajar.usah mambuek buek. Kadang kadang dek lamak rayuan tukang galuah, gadang batuka jo nan ketek. Kain ganiah diago urang marekan nan banonyokkan jangan. Ikhlas kalau baragiah, jujurbkalau manolong. Adil kalau mahukum. Usah lamak karano santan. jan kuniang karano kunyik. dek sanjuang iko nan bana.
Usah Satiok kato ka disabuik, atau kakok kadiawai,batuakan niaik labiah dulu. Tanyolah ka hati nurani niaikan katimbang raso. Cupak jo gantang dalam batin. Lai koh dalam izin ALLAH SWT. Kok lai itu taa makan, kalawang indak talacah karimbo indak kanai miang. baliak batimba baa agiah makan ateh bawah ayunan kapak. nan bana di sabuik juo..
9. NAK TINGGI RANDAHKAN HATI jikok bakato dibawah bawah,manyauk di ilia ilia.mamacik di ujuang ujuang.usah panyonsmg kecek urang usah pamaha jo pujian.nan tuo di anjuang2.nak ketek disayang2.nan bansaik sapo dahulu.INSYAALLAH nak tinggi pandangan bakeh kito.datang kasiah naik martabat.tuah ka inggok sandirinyo.PICAYOLAH
10. NAK MULIA TAPATI JANJI bakato usah panduto,bajanji usah ma ungkia.dibari amanat jan khianat.kok janji indak tatapeki.kok iman ndak taguah,mangecek taranjak anjak,runding nan urak urak ungkai alamaik kajatuah harago diri.urang nan indak picayo lai.dek mujua sapanjang hari.dek malang sakijok mato.kok niaik alun tasampaikan.mako pakailah papatah rang tuo,"KATO DAHULU BATAPATI,KATO KUDIAN BANA DICARI" aratinyo tamui bamungko mungko,kabakan aral rintangannyo,sinan dibuek janji baru.
11. NAK TAGUAH PAHAM DI KUNCI mangecek siang maliek liek,barundiang malam mahagak hagak,usah taruah bak katidiang ijan taserak bak anjalai.lungga pasang ranggang pangabek co lukah indak baincok.buliah kito maiboi,tapi usah sayang tatuntuang kok isuak ka jadi lawan.kok banci ala kadarnyo usah dihino diudikan antah ko nanti jadi kawan,ingek pasan{sabda}Nabi Muhammad "sayangi lah sasuatu sakadarnyo,mungkin suatu maso kito mambancinyo,bancilah sasuatu sakadarnyo,mungkin suatu maso kito manyayangnyo".ingek pulo kato rang tuo tuo,'agiahan nan saganggam,tapi tinggakan nan sabinjek.cabiaklah patuik di cabiak sahalai banang tinggakan juo.itulah kaserap panggantuangan.
12. NAK LABO JAN TAKUIK RUGI bajariah mangkonyo buliah,barugi mangko balabo itulah undang cadiak pandai.kok mamancian tantu yo jo umpan.manembak tantu jo peluru.mangaleh nyato bapokok.kalau dibao kan nan batin hormatilah urang talabiah dahulu baru kito dihormati urang saincek bijo dituga satandan labek ka gantinyo sasuai bak bunyi pribahasa barang siapa menabur angin,maka kelak menuai badai
13. NAK KAYO USAH BARUTANG ukuran kayo sabananyo iyolah bukan dinilah harato bando konon pulo jumlah pitih timbangan ameh.tapi kakayoan nan hakiki lataknyo tasimpan dalam batin.dijiwa nan tanang,dihati nan lapang dipangana nan salasai.adopun tando tando urang kayo inyo kok bajalan indak tasundak,kok malenggang indak tapampeh,galak lapeh kapalo tagak mangko jinah kaniang bakilek.basoboknyo katiko ctin tak ba baban batin tak barutang.
14. NAK ALUIH ASAHLAH BASO nan dimukasuik maasah baso maniah muluik pandai batutua,indak pangiang jo panggisia,tau batenggang ati urang.walau urang baniak jaek inyo babudi baiak pulo.basuo bapantun urang ka handai handai di nan mudo anak siamuak dalam padi cuko didalam pabarasan sungguah ramuah dalam hati dimungko indak kabakasan
15. NAK ELOK BAIAKKAN SANGKO kok kasa etongan urang,senjang tadanga rundingannyo,tarimo suko lah dahulu antah kok elok mukasuiknyo.usah lakeh pancimburuan jan pandorong salah sangko.tapi kunyah kunyah mangko dilulua,gamak gamak mangko dipacik mano tau dek awak pamburuak sangko.baluik baraso ula juo.alun anyuik lah kadinginnan,alun jatuah gamang dahulu..kudian baru manyasa.inokkan bana jaleh jaleh,ambiak ka telong kapidoman,jan tasorong langkah di nan dalam usah tataruang dinan data,salamaik badan manyubarang....
Iko lah tando-tando urang cadiak pandai,apo nan tatuang, mudah-mudahan bisa kajadi pidoman bagi kito basamo
Samoga apo nan tatuang di pituah nangko manjadi palajaran bagi kito basamo tarutamo bagi ambo pribadi.
Demikianlah pituah untuk orang Minangkabau yang berbudi. Dalam pituah dan nasehat jabaran di atas menggambarkan ciri-ciri orang Minangkabau yang berbudi. Semoga artikel 15 Ciri-ciri orang Minangkabau berbudi di atas bermanfaat ya. Jangan lupa share. Assalamualaikum