Kaba atau Naskah Randai si Cindua Mato bagian satu
Blog Minangkabau -- Dunsanak Sadonyo sadang mancari Kaba Si Cindua mato atau Naskah Randai Si Cindua Mato? Lapak Blog Minangkabau ini adalah lapak yang tepat untuk mencari segala hal yang berkaitan dan berhubungan dengan Minangkabau Saisuak, Sekarang dan Masa yang akan datang. Termasuk Kaba Si Cindua Mato Atau Naskah Randai Si Cindua Mato.Naskah Randai Cindua Mato ini termasuk dalam naskah sastra lama. Karena naskah yang berbentuk jenis puisi lama ini, admin belum mengetahui siapa pengarang aslinya. Sumber yang admin dapatkan dari Kaba/Naskah Randai Cidua Mato Ini adalah bahwa naskah ini hanya diketahui penggubahnya. Gubahan dari Kaba atau Naskah Randai Cindua Mato ini pun berseliweran di jagat maya dan banyak oknum yang mengaku itu gubahannya.
Randai Cindua Mato ini di bawakan dengan pendendang atau penyampai cerita/kaba duduk lesehan di satu sudut arena randai. Biasanya berada di luar lingkaran arena pemain randai.
Berikut Naskah/Kaba Randai Si Cindua Mato
1. Dang Tuanku Jo Cindua Mato Tagak Ka Tangah (Masuk ke tengah arena pemain randai)
Dang Tuanku :
Manolah diak kanduang Cindua Mato
Kato putih rundiang lah sudah
Lah sapaham Basa Ampek Balai
Bundo nak mampacaliak an putiah hati
Pado mak tuan Rajo Mudo
Diak kanduang disuruah ka Sungai Ngiang
Mambao kabau si Binuang
Kinantan sarato jo si Gumarang
Manjalang alek Puti Bungsu
Etan di ranah Sikalawis
Namun samantangpun baitu
Nan lahie diak kanduang utusan Pagaruyuang
Mambao putiah hati dari Bundo Kanduang
Di batin diak kanduang suruhan denai
Japuik tabao Puti Bungsu
Langkah satapak jaan suruik
Pantangan anak Pagaruyuang
Jikok indak nan bak kian
Jikok adiak buang balakang
Dadak mananti ditampuruang
Sangkak batuang tampek maharam
Cindua Mato :
Ampunkan Denai di Tuanku
Jaan ditunjuak i Denai tantang itu
Usah disabuik duo kali
Itulah pantang si buyuang nangko
Dang Tuanku:
Jikok adiak sampai di sanan
Nantikan molah kato putuih
Jiko urang manyuruah pulang
Jaan adiak padulikan bana
Nantikan Puti Bungsu datang
Amuah jo anggak ka datang juo
Jikok batamu jo Puti Bungsu
Ikolah jimaik suruah pakai
Latakkan di dalam sanggua
Iyo pitanggang alimunan
Dang Tuanku Ma agiahkan Jimaik untuak Puti Bungsu, Sudah tu Dang Tuank ma agiah babagai sinjato. (Dang Tuanku Memberikan Jimat dan Berbagai Senjata)
Dang Tuanku:
Ikolah padang Jinawi putuih rantai
Indak buliah ditantang musuh
Kanai kileknyo mati juo
Ikolah rencong batatah mandiangin
Kaganti kapan sidakahnyo
Cindua Mato:
Ampunlah Denai Dang Tuanku
Iyo ambo nan ka bajalan
Antah iduik antah kan mati
Nyawo di dalam tangan Allah
Cindua Mato Manyambah, Dang Tuanku Kalua Diiriangkan Cindua Mato (Cindua Mato Menghatur Sembah, Dang Tuanku Keluar Arena diiringi Cindua Mato)
2. Randai, Dan pendendang mendendangkan lagu di bawah ini dengan gaya dendang klasik. Isi dendang merupakan alur cerita selanjutnya. Sedangkan di arena anak randai memainkan gerakan randai sesuai iringan dan irama dendang dan musik saluang.
Alah bajalan Cindua Mato
Iyo ka Ranah Sungai Ngiang
Ka rumah Tuanku Rajo Tuo
Mambao kabasaran Pagaruyuang
Salamo lambek di jalan
Gumarang balari-lari alang
Binuang mairiang di balakang
Labah jo naniang tabang babondoang
Birauari Cindua Mato
Tiok ditampuah tampek kiramaik
Dikunyah pinang pamalam
Mangucap salam suok kida
Dek lamo lambek di jalan
Tibo di Bukik Tambun Tulang
Alah manyambah Cindua Mato
Mahadok ka Pagaruyuang
Mamintak doa pado Allah
Buliah salamaik di jalan nangko
Anak randai Duduk,
Cindua Mato Tibo, Langsuang di hadang dan di ambek dek Urang Panyamun. (Cinduo Mato Sampai, dan langsung dihadang oleh para penyamun)
Cindua Mato::
Manolah datuak nan disiko
Jikok ado kahandak hati
Agak capek molah katokan
Mako sabab dek baitu
Ambo nak pai ka Sungai Ngiang
Manjua kabau nan jo kudo
Sabab nagari sadang batuah
Saudagar banyak nan kayo
Urang Panyamun 1;
Manolah urang mudo nan datang
Tinggakan kabau nan jo kudo
Bukak pakaian kasadonyo
Uluekan tangan baiak-baiak
Baitu nan balaku salamo nangko.
Cindua Mato:
Caro dimano nan datuak pakai
Tantukan molah apo dakwaannyo
Kok indak buliah lalu di siko
Bialah nak amo babaliak pulang
Panyamun II:
Jan banyak kecek waang lai, buyuang!
Jiko tak sayang di dunia nangko
Bia den balah kapalo waang tu
Cindua Mato:
Adat apo tu namonyo
Mengecek indak basantano
Sarupo urang indak baraka
Baa mangko kudo den tinggakan
Baa mangko kabau agiahan
Jikok mambali den indak kamanjua
Jikok mamintak den indak kamaagiah
Salaku satampan nangko
Angkuah-angkuahnyo nan bak iko
Bak laku urang panyamun
Panyamun III:
Bunuah sajo paja nangko
Pandai pulo inyo malawan
Indak tahu inyo jo Bukik Tambun Tulang
Indak tahu jo sia inyo sadang baadok an
Cindua Mato Bacakak Malawan Urang Panyamun, Urang Panyamun samakin Banyak. Nan Cindua Mato idak bisa dikalahkan. Panyamun baranti bacakak. (Cinduo Mato adu jotos dengan penyamun yang semakin banyak. Cindua Mato tidak bisa dikalahkan. Penyamun berhenti sejenak.
Cindua Mato;
Mano kalian urang panyamun
Sio sio manjariang angin
Taraso ado dapek indak
Mamintak toloang molah pado Allah.
Penyamun I;
Mano kalian kasadonyo
Cari rotan nan jo manau
Buek putaran pilin tigo
Kito sauak basamo-samo
Penyamun menyerang Cindua Mato jo Rotan dan manau. Tapi Cindua Mato Indak tampak dek mato panyamun. Panyamun alah bacakak inyo samo inyo. Kasudahannyo Cindua Mato saroman mangecek jo Sibinuang. (Penyamun menyerang Cindua Mato dengan rotan dan Manau, Namun penyamun tidak bisa melihat Cinduo Mato, Hingga Penyamun berkelahi sesama penyamun. Akhirnya Cindua Mato berguman ke Si Binuang)
Nah itu dulu dunsanak, Kaba atau Naskah Randai si Cindua Mato bagian satu. Untuk bagian selanjutnya akan diposting secepatnya dalam waktu sesingkat-singkatnya. Terimakasih telah berkunjung. Silahkan share jika rasa bermafaat.
