Arti dan Makna Rancak di Labuah dan Mati Karancak an
Blog Minangkabau – Dunsanak sadang mancari Arti dan Makna Rancak di Labuah dan Mati Karancak an, Mari kito bahas ciek-ciek semoga bahasan kali ko dapek manambah wawasan jo pangatahuan sanak nan nio baraja Baso Minang.Rancak di labuah adolah ungkapan dalam baso Minang nan Berkonotasi atau ba arati kurang rancak. Penggunaan kato rancak di labuah ko banyak di arahkan ka urang-urang dengan maksud atau artian nan kurang badagok.
Semisal contoh nan admin ambiak kalimatnyo
“Rancak di labuah kau mah Piak”,
Kalimat di ateh adolah kalimat negatif atau susunan kalimat dalam bahasa minangkabau yang kurang rancak didanga nan maganduang maksud jo makna kurang bagus. Rancak di labuah dalam susunan kalimat di ateh bararti padusi nan idak tau di adok, padusi nan hanyo rancak kutiko di lua. Tapi kehidupannyo di rumah sangat lah babeda jo nan inyo tunjuak an.
Kalau dalam bahaso Indonesia nyo bararti, Cewek lebay nan sok ngaku anak hitz, anak gaul, anak jaman now tapi di rumah atau di dalam kaluarga idak lah pandai manga-manga. Mancuci piriang idak pandai, apolai ka manolong karajo urang gaek nan lainnyo.
Rancak di labuah kadang barati pulo untuak untuak urang nan sombong, ongeh jo tinggi hati. Balaku di lua jo kawan samo gadang, ba uru-uru idak jaleh, hunting ka mari hunting ka sinang sudah tu nyo bali dek urang lalu.
Rancak di labuah umumnyo diparuntuak an untuak anak anak nan kurang tau jo untuang, malala jadi hobi. Manolong karajo di rumah idak pandai. Mamasak dak pandai, mancuci baju surang pun idak pandai. Kalau di ingek an den uda atau uni atau Amak surang langsuang marabo jo malawan. Gilo dek manakua ka layar hape se dari pagi ka patang, buek instagram nan kecek inyo balucu lucu tapi malah bantuak dak tau jo kodrat awak sabagai padusi Minang.
Nah Ba a dunsanak kasadonyo alah agak paham jo arati rancak di labuah? Ado ciek lai kawan rancak di labuah ko mah sanak, Kato nyo mode iko “Mati Karancak an” Mati karancak an ko kurang labiah konotasi nyo samo. Kalau rancak di labuah lebih ka prilaku dan tingkah waktu di lua rumah, sadangkan mati karancak an ko maraso labiah tapi sabananyo dak ado kalabiahan samo sekali.
Mari admin cubo buek an contoh kalimat jo narasinyo sakatiak sanak.
Seorang gadih desa di sakolahan dek amak nyo di kota, mamasuak an ka sakola tu jo susah payah dek rang gaek. Tiok minggu di kiriman pitih, tapi tibo di sakola tu gaya si anak bantuak urang kayo. Makan dak namuah nasi sapuluah ribu. Nionyo nasi di restoran nan haragonyo 30 ribu sabungkuh eh sakotak maksud ambo. Baju tiok sabanta babal, tiok sabanta pai ka Molli. Tu satiok duo hari manalepon ka amak, bukannyo mananyo kaba amak jo apak.tapi Cuma mangecek an baso pith lah abih, Marengek-rengek mintak dikiriman pitih sacapeknyo.
Nah sanak ,,, Padusi nan mode carito kito di ateh tu di sabuik Rancak di labuah atau mati karancak an. Ba a sanak? Lai kiro-kiro mambantu artikel Arti dan Makna Rancak di Labuah dan Mati Karancak an ko Sanak? Jikok lai silahkan share di sosmed sanak bia banyak juo urang nan mambaconyo. Tarimo kasih Sanak, Assalamualaikum..
