Naknyo mulie tibo di badan, adolah sifat nan ka di pakai.
Blog Minangkabau -- Contoh Pituah Dalam Bahasa Minangkabau, Naknyo Mulie Tibo di Badan Ikolah Sifat Nan Di Pakai adolah salah satu dari sekian banyak kekayaan pituah Minangkabau nan masih ado dan acok di pakai dalam kehidupan sahari-hari. Meski sangaik di sayangkan penutur nyo mungkin hanyo nan tuo tuo sajo.Banyak anak Minangkabau nan maleh mahafal jo maulang ulang kaji tuo nan panuah jo manfaatko. Kebanyakan dari anak Minangkabau kini beranggapan kalau pituah, pantu atau nasehat ko hanyolah sastra kuno nan dak guno dikaji jo di ulang-ulang lai.
Tapi sungguah pun baitu, di blog Minangkabau nan sederhana ko. Admin mancubo bukak lapak di nan rami walau mungkin banyak nan dak mambali hanyo singgah mancaliak caliak jauh. Tapi nan pasti admin ka tetap mancubo manyorak di nan rami kalau pitiah ko gadang manfaat nyo.
Baca juga Pituah rang Gaek ka Anak Laki-laki
Mari di simak di inok inok manuangkan juo. Contoh Pituah Dalam Bahasa Minangkabau, Naknyo Mulie Tibo di Badan Ikolah Sifat Nan Di Pakai
Nak luruih rantangkan tali
nak tinggi tingkekkan budi
nak aluih babaso basi
nak elok lapangkan hati
nak mulie tapek'i janji
nak taguah paham di kunci
nak kayo kuaik mancari
nak tuah batabua budi
nak pandai rajin baraja
hiduik bakarilahan
mati batungkek budi
di pakai raso jo pareso
di timbang nyawo jo badan
Baca juga contoh pantun lelaki Minang
hiduik jan bak pucuak aru
maikuik kama kareh angin
iyokan nan di urang
lalukan nan di awak
tunjuak luruih kalingkiang bakaik
guntianglah baju nak rang guguak
di jaik jan disudahkan
bao bakincielah dahulu
kok manih jan di raguak
kok paik jan di luahkan
bao bapikielah dahulu...
Ba a dunsanak, Lai sajuak di kiro kiro? Satalah di inok manuangkan semoga Contoh Pituah Dalam Bahasa Minangkabau, Naknyo Mulie Tibo di Badan Ikolah Sifat Nan Di Pakai ko bisa di aplikasikan atau di terapkan di kehidupan sahari-hari. Amin Allahumma Amin.
