Blog Minangkabau -- A itu Saluang? Saluang adalah alat musik ambuih asli dari Minangkabau. Alat musik nan tabuek dari batuang tipih atau labiah tapeknyo biaso disabuik talang (Schizostachyum brachycladum Kurz) ko tadiri dari ampek lubang nan bajejer dari ateh ka bawah. Lubang dari saluang ko talatak di bagian bawaah nan subananyo bagian ateh dari talang tu. Ba a dek bak nantun? Karano Saluang ko di buek tabaliak. Bagian ateh saluang ko adolah bagian bawah dari batang talang tu. Baliak ka lubang saluang tadi. Kalau sabananyo lubang saluang tadiri dari ampek buak dengan gadang lubang kiro-kiro satangah senti.
Ka unikan dari caro ma ambuih saluang ko adalah ma ambuh jo ma iruk angok dalam waktu nan samo. Sahinggo pamain saluang ko dapek ma ambuih saluang dari mulai lagu sampai abih lagu dak taputuih-putuih. Teknik nan mode ko di sabuik jo teknik manyisiahan angok. caro ko dak bisa di latiah dalam sahari atau duo hari se. Caro ko dilatih hampiah babulan atau batahun.
Tiok nagari di Minangkabau ko mampunyoi ciri khas ma ambuih saluang surang-surang. Contoh Singgalang, Piaman, Solok Salayo, Koto Tuo, Suayan jo Pauh. Nan paliang sadiah dari caro jo irama ma ambuih saluang tu tadapek di Solok Salayo. Biaso di sabuik jo Ratok Solok.